Leiguhúsin Grund 61

Húsin eru 61,49 fm að grunnfleti, með tveimur svefnherbergjum með fataskápum, og rúmgóðu efra lofti. Samtals eru 4 tvíbreið rúm í húsinu og ein koja, sem gerir það mjög hentugt. fyrir tvær fjölskyldur. Fyrstu húsin eru nú þegar klár til útleigu og stefnt er að þessi hús verði í venjulegri dags, viku,- og helgarleigu allavega til að byrja með. Húsin eru búin glæsilegum húsgögnum og öllum þægindum s.s. uppþvottavél í eldhúsi (nú verða konurnar ánægðar), 28” steríó-sjónvörpum og DVD spilurum, útvarpi ofl. Öll 9 rúmin eru umbúin (fer vissulega eftir fjölda er gistir hverju sinni). Vandaðar fjaðrapoka-dýnur eru í öllum rúmum til þess að allir sofi nú vel. Rúmgóð sturta 90x90 er á baði sem og upphengt salerni. Önnur sturta er í geymslu húsanna sem er ætluð til brúkunar þegar farið er í heitu pottana. Það þýðir að aldrei er baðherbergið upptekið þegar verið er að njóta heita pottsins. Allar innréttingar eru af vönduðustu gerð. Gasgrill fylgir hverju húsi. Leiguverði verður stillt í hóf á meðan fyrirtækið er að hasla sér völl og kynna sig. Verð per nótt er einungis 7.900 kr, sem segja má að sé aðeins “svefnpokapláss verð” Næstu húsin af Grund 61 eru nú þegar í smíðum og verða klár 1 júní 2005 (ásamt fyrsta skógarþorpinu).